Pada satu hari,di pagi
hari yang asri kota jakarta tempo dulu,ada seorang lelaki tampan, baik hati
namun sedikit kerempeng. Ia senang menyebut dirinya sebagai coksi (Cowo Seksi)
dari kota Tanjung Priuk.Sedang asik latihan pencak silat di kebon bambu. Sambil
ngangon kambingnya yang bernama Daniel.
Mail
Ciiat..ciatt..ciat..hakk..ciat..ciat..ciat...hakk..
Buset dah ini kebon sepi amat yak, begini emang nasib jadi jomblo. Kaga ada
yang sayang, kagak ada yang yang nganterin makan. (kriukk
kriukk) Nyak mana lagi, kagak tau apa anak satu-satunya yang seksi ini lagi
kelaperan. Nil jangan makan aje napa lu,gue pan juga laper. Nyak.. Nyak..
lapeerr.. laperr nyak.. laperr..
Nyak Salamah
Bujuk dah.. Apaan si lu tong..tong..
manggil nyak lu kagak ade sopan-sopannye ame orang tue. Lu kagak tau nih nyak
ngandung elu sembilan bulan, ampe kemane-mane elu gua bawa, ke pasar, ngangon
sapi ampe ke kamar mandi elu gue bawa.
Mail
Lah pan bukan gitu mak maksud aye, aye mah
cinte sayang dah pokok nye amak nyak.tapii.. tapii.. aye laper mak.. Sumpeh dah
mak aye laper bener.. (sambil nyiumin
tangan nyak nya)
Nyak Salamah
Yaudah nih! Emak bawa in semur jengkol ame
sayur asem. Makan dah lu. Yang dikit makan nya. Kalo bisa disisain, entar
sisanya buat babe lu.
Mail
Etdah nyak, kagak pengen ape nih anaknya
biar gendut. Udeh kerempeng tambah kerempeng dah ini aye nyak. Eh pan babe udeh
meninggal, emang nye babe masih mau makan nyak ?
Nyak Salamah
Udeh makan, jangan ngebacot aje lu. Entar
congor lu makin dobleh aje. (Ngomong
sambil terharu,teringat babe juki yang udah meninggal 10 tahun yang lalu)
Soundtract lagu Rumor Butiran Debu
Nyak Salamah
Udeh ye il, nyak pulang dulu, warung
gado-gado masih ngablak tuh.
Mail
Iye mak, mak pulang duluan aje.. aye pengen
baca nopel dulu.
Narator
Masuklah tukang jamu
yang telah menjada selama satu minggu.
Mba Minten
Jamu..
jamu.. eh ada kang mas.. mas mail.. beli jamunya ndak? madang dolanan wae..
Boleh ndak aku temenin. Karo aku lah madang e, nanti dapet bonus jamu loh.
Mail
Aduh, mata lu kilipitan ya mbak minten,
saya tuh lagi baca nopel. Biar membentuk karakter bangsa yang gemar membace.
Mba Minten
Jenenge opo toh? Nopel ? nopel opo toh mas
mail? Aku juga mau baca nopel dong mas
mail (Sambil ngedeketin matanya ke novel
yang di baca mail dengan genit)
Narator
Tiba-tiba datang
gadis cantik se-jabodetabek sebut saya ia Leha putri dari kayangan.
Leha
(Leha habis dari
pasar berjalan, sambil rambutnya tertiup oleh angin)
Soundtract Lagu Lobow Kau cantik Hari ini
Mail
Wuahhh cantik banget kaya putri dari kayangan. (Dengan muka mupeng) Neng..sini
neng..temenin abang.
Leha
Leha menunduk sambil melirik sedikit ke
arah Mail.
Sountract Lagu Slank Pandangan Pertama
0 komentar:
Posting Komentar