“Bang
Mail”
Muchlis Abdillah : Bang Mail
Febrina Nabila : Ipeh
Zaki Jundana :
Babeh
Vidyandini Agivonia :
Atun
Ulfah Muthi Afifah : Maesaroh
Ratna Nurul Hidayah : Maemunah
SMA
SULUH JAKARTA
Jl.
Palapa Raya No.1 Pasar Minggu Jakarta Selatan
SINOPSIS
CERITA BANG MAIL
Di sebuah perkampungan yang
asri tinggalah seorang pemuda bernama Mail. Dia bekerja sebagai tukang tanaman
sekaligus sukarelawan kebersihan kampung. Mail adalah pemuda yang sangat
mencintai kebersihan dan penuh inovasi dalam mencegah dan mengatasi masalah
lingkungan. Dari semua tanaman yang dia miliki Mail sangat mencintai satu
tanaman yaitu tanaman lidah mertua karena lidah mertua berfungsi menyerap
polutan. Dan tanaman lidah mertua sangat dibutuhkan bagi Jakarta yang
kondisinya semakin panas.
Mail juga mencintai Ipeh,
kembang desa kampung sebelah dengan sepenuh hatinya. Namun sayang beribu sayang,
sang Babeh menentang hubungan mereka karena Mail yang hanya seorang tukang
tanaman dan Babeh takut Ipeh akan hidup kekurangan. Mail berusaha semaksimal
mungkin untuk meraih hati Babeh, dari mulai adu silat sampai mengkuti lomba
pembuatan pestisida alami agar Mail kaya dan dapat secepatnya melamar Ipeh.
Akhirnya perjuangan Mail sampai
pada puncaknya. Sahabat Mail si Atun membawa kabar gembira bahwa Mail
memenangkan lomba pestisida alami yang berhadiah uang tunai 2 Milyar Rupiah.
Uang itu digunakan untuk melamar Ipeh dan memajukan toko tanamannya. Babeh pun
akhirnya menyetujui hubungan Mail dan Ipeh karena Babeh sudah percaya kalau
Mail mampu membiayai seluruh kehidupan Ipeh.
Opening
(Pemain masuk semua sambil menari dan memeragakan silat dengan
diiringi musik
dan tarian Betawi.
Lalu, pemeran utama tinggal di panggung)
Narator
Suatu hari di
perkampungan yang asri, tinggallah seorang pemuda tampan, baik hati, dan
mencintai kampungnye setengeh mati. Sebut aje dia Mail, pria sejute pesone yang juga mencintai Ipeh dengan sepenuh jiwanye.
Mail
(sambil ngerawat tanaman) Ya Allah Yaa Tuhanku, gua
heran mok ame orang jaman sekarang, ngapa idupnya gak mikirin masa depan ye? Makhluk semok kaya elu
kagak pada dipeduliin, padahal pan lu dipercaye sama Allah SWT bakal jadi tempat aer ame oksigen ye kan? Ckckckck…heran deh gue!
Mail
Mok ni gua mau curhat
ama lu. Nih yaa.. gua demen bener deh ame si Ipeh, anak kampung sebelah, dia juga demen ama gua mok. Cuma ye
gitu, babenye kagak demen ame gua, gara-gara gua cuma tukang kembang. Paling
banter gua jadi petugas kebersihan RT. Nah dia pan orang kaye yeh?
Atun
(musik) Woy Mail!! Lagi ape lu? Ngomong ama
taneman. kaya orang kagak waras aje!
Mail
Ya allah tun tun
(dorong badan atun), jadi cewek tuh yak sholehah dikit kenapa! Udah kayak
preman aje lu di sini, way woi
way woi aja. Eh tun, tuh ada roti buaye nganggur,
dimakan Tun.
Atun
Waaaaaaah!! Enak
nih, makasih Il
(sambil mengambil roti buaya dan memakannya). Eh Il, lu tadi ngapa deh ngomong ama taneman,
lagi galau ye? Mikirin si Ipeh?
Mail
Iye nih tun. Ipeh tuh
yang bunga desa dah
dikampung sebelah. Gue demen ama die Tun, dienya juga.
Cuman nih ya Tun, babe nya Ipeh kaga setuju ama gua.
Apa gara-gara gue kismin kali ya?
Mail
gue berdoa aja sama
Allah, biar lomba pestisida alami yang gua bikin dari jengkol, menang. Trus kalo menang kan
dapet duit banyak, trus ntar si Ipeh gua lamar dah.
Atun
Aaah pasti menang dah
lu il. Caya ama gua, caya!
Masuk 2 janda kampung (musik)
Maesaroh
Aaaahahaha! Eh orang
kismin, orang bau ente, bau!
Ya gimane si Ipeh mao
ame lu il. Tiap hari kerjaannya cuma bersiin selokan ama ngomong ama taneman
mulu kaya orang kagak waras ye.
Maemunah
Ho’oh! Siape yang mau
badan bau, tangan kena tanah! Aye aje yang janda cantik seksi gini ogah ama lu.
Atun
Eh lu bedua! Punya
mulut tuh direm dikit kek. Gak baek tau, gak baek! Sesame tetangge menghina
begitu.
Mail
Nah bener! Ngomong tuh
dikasih taplak biar kagak
beleber kemana-mana. Kayak kompeni aja lu bedua menghina aje!
Maesaroh
Ih!! Kok situ yang
sewot sih (nunjuk atun). Lu juga lu! Serang yok muneh!
Maemunah
Ayok!!
Mail, Atun, Maesaroh, Maemunah
Seraaaaaaaaaaaaaang!!
Semua berkelahi dengan diiringi musik. Lalu, masuklah anak bocah (semua pemain berhenti).
Anak bocah
Kalo mau berantem, gak
begini caranya. Jodoh, rejeki ada di tangan Allah. Makasih! Wassalam!
(semua pemain gerak)
Mail
Udeh tun pergi aje,
jangan kite ladenin. Ayok!
Atun
Woy awas lu (nunjuk
janda)!!
Maesaroh dan Maemunah
Wooo yeee sewot!!
Woooo
Keesokan harinya
(ipeh
menari-nari betawi di depan rumah sambil memikirkan nasibnya)
Ipeh
Eeehhhh… pegel banget badan, enaknye nari-nari dulu nih. Nyalain dulu
ah musiknye. (Ipeh menari-nari, lalu tiba-tiba Babenya memanggil dan datang)
Babeh
Ipeeeeehhhh, kopi
Babeh mane? Ya, Alloh Ipeh..
elu pagi-pagi bukannya sholat, ngaji, eh malah nari-nari. Udeh sholat belon?
Ipeh
Udeh, Beh!
Babeh
Ya, udeh. Kalo gitu sekarang ngaji dulu lu
ma Babe. Mari, mari, sini duduk!
(Ipeh dan Babe duduk. Babe mulai ngaji
diikuti oleh Ipeh)
Babeh
A’uzubillah himinasyaittannirrojim.
(diikuti Ipeh) Bismillahirrohmanirrohim. (diikuti Ipeh) *baca surah
al-kaustsar* Shodaqollah
hul’azim
Babeh
Yaudah dah Babeh masuk dulu. Lu terusin dah
narinya
Ipeh
Ya, Beh.
Atun masuk
Atun
Eh Ipeh!
Ipeh
Ade ape sih?
Atun
Eh denger ye Peh, gue
sebagai sahabatnye si Mail gak setuju lu ame die, gara-gara lu dia jadi dihine-hine ame Babeh lu
terus tau!
Ipeh
Eh jangan belaga deh
lu, kalo lu suka ame die ambil aje
gak usah pake marah-marah gitu dong lu!
Masuk Maesaroh dan Maemunah
Maesaroh
Eh cewek-cewek kismin.
Ngapain sih pade ngerebutin si Mail. Kayak kagak ada laki laen aje lu pada!
Maemunah
Ho’oh mending kaya
kite nih ngerebutinnye SUJU. Bujuk gantengnyeeeee kagak nahan.
Serentak bilang pergi
Maesaroh dan Maemunah
Ih kok sewot! Pergi
aje yuk yuk yuk.
Atun
Pokoknye aye gak
setuju lu ame Bang Mail
Ipeh
Ya udeh sih gue males ribut ame lu
Atun
Deh dasar centil, cuih
Ipeh
Wueek!!
Narator
Karena Mail terlalu
cinta Ipeh maka die memutuskan untuk menemui Ipeh keesokan harinye
(Ipeh lewat sambil
nunduk)
Mail
Peh, peh sini peh.
Abang kangen banget inih
Ipeh
Ih si abang, kalo
ketauan Babeh gimane bang. Ipeh takut kan
Mail
Ipeh, abang punye pantun nih, masak aer
dalem panci. Eh, ipeh, walau lu ke
ujung dunie, abang tetep menanti (gendang
sama siulan)
Ipeh
Ih si abang gombal
bener deh!
Babeh
Eh ipeh! Masya Alloooh lu ngapain di sini hah? Ame si
tukang bersih-bersih kembang lagi (narik tangan Ipeh). Eh lu tukang kembang ame
bersih-bersih, ngapain lu ame Ipeh? Kerja gak karuan! mao lu kasih ape anak gue
hah? Peh ayo pulang!
Mail
Beh tar dulu beh tar
dulu. Aye beneran tulus cinte ame anak
babeh. Seriusan Beh suer meleber-leber,
eh, suer tekewer-kewer.
Babeh
Nah lu punye ape bakal
anak gua?
Mail
Teneman Beh, kan
selain baik buat bumi. Baek juga bakal dijual buat cari makan.
Babeh
Lu kata anak gua
kambing dimodalin teneman doang. Udeh ayo peh balik!!
Ipeh
Abang.. bang.. bang..
Mail
Ipeeh.. peeh.. peeh..
Narator
Karena sedih, Mail
duduk-duduk sambil membawa si semok. Dan memikirkan masa depannye.
Mail
Mok, pokoknye nih kalo
gue kaya. Gua bakalan lamar si Ipeh, gua bakal bikin toko kembang yang banyak.
Jadi gua bisa bagi-bagiin taneman ke tetangge deh mok. Biar Jakarta kite gak
panas lagi. Ya, Alloh.. yan
Tuhanku.. tolonglah hamba-Mu ini.
Atun
Si Mail tuh! Jalan-jalan ke Manado. Jangan lupe membeli parang, waduh si Mail bodo, tu muke kaye taneman
gersang. (nyamperin Mail) weh sob ape kabar? Muke kusut amat.
Mail
(ngelirik bete) diem
dah lu tun, lagi males bercanda nih gue!
Atun
Ngape? Gara-gara si
ipeh? Udeh lu jangan ngarepin dia mulu dah. Batin lu nanti!
Maesaroh dan Maemunah masuk
Maesaroh
Eheheheheh, orang bau.
Bau apek, ngapain orang bau? Mending mandi orang bau wakakakakakak
Maemunah
Wakakakakak, aduuh
duuh udeh makan? Kerempeng amat tuh badan. Kagak ada yang ngotak dikit ape tuh
perut.
Atun
Eh lu tuh ya!!
Mail
Tun, udeh Tun, gak baek lu ladenin. Udeh ah! Eh mpok, pulang aje deh
mendingan. Gak baek menghina orang terus lu Mpok.
Maesaroh dan Maemunah
Yeeee, bilang aja
takut wowowowowowowowowowo
Atun
Il, mending lu temuin
babehnye si Ipeh dah biar kelar tuh masaleh. Gua mau balik dulu.
Mail
Wah iye, bener juge
tuh. Yaudah gua juga mao bersihin selokan belakang rumah nih udeh banyak
nyamuknye. Daaah
Narator
Akhirnya Mail
memutuskan untuk bertemu Babeh untuk membicarakan masalah si Ipeh
Mail
Mana ya Babeh? Kemaren udeh aye sms deh kayaknye.
Kok beloman kemari.
Babeh
Eh ngapain? Ade urusan
ape lu?
Mail
Eh babeh, aye cuma mao
bilang kalo aye cinte bener ame si Ipeh beh.
Babeh
Kan gua kata, lu kagak
cocok ama anak gua. Lu sebagai lelaki Betawi. Bisa
silat kagak?
Mail
Bisalah beh
Babeh
Ok, kalo gitu kita tanding silat. Kalo bisa
menang dari gua, gak pape dah lu ame si Ipeh. Tapi kalo kalah. Jangan harap deh
ye.
Mail
Siap beh, kite mulai
aje beh!
(silat berdua)
Babeh
Ternyate lu emang
kagak ade ape-apenye. Udah gua mao balik!
Mail
(tampang kecewa) Ya Aloh, semoga
aye menang lomba Ya Alloh biar aye jadi orang kaye! Amiiiiin. (Sujud)
Narator
Keesokan harinya, Mail
bersama semok duduk-duduk di taman. Dan Atun membawa kabar gembira.
Mail
(nyanyi) bersamamu
kota Jakarta. Beh ah suara gua kaya Dion Indonesian
idol ye mok? Serek-serek becek wakakakak.
Maemunah dan Mesaroh
Halah .. (pantun-pantunan berdua) maen ke
warung beli beng-beng, maen ke warung beli beng-beng, eh sadar suara lu kaye kaleng rombeng.
(gendang)
Mail
Sirik aje ye mok si
jande.
Atun
Il, il aduh. Ngap gue!
Lu menang hadiah 2 Miliyar dari lomba pestisida alami yang lu bikin Il.
Mail
Becande lu ah,
sponsornye siape? Kan banyak lomba begituan.
Atun
Itu sabun ape tuh yang
bakal mutihin badan?
Mail
Cinjui maksud lu?
Atun
Iyeh, iyeh cinjui
bener tuh.
Mail
Alhamdulilah (sujud) bisa lamar Ipeeeeeh
makasih ya Alloh.
Maesaroh dan Maemunah
Apaa???!! Gak
mungkin!!!!! (pingsan)
Mail
Eh tun, lu kerumah gue
deh ye siapin makanan bakal sukuran
sekalian panggilin si Ipeh.
Atun
Sip deeeeeh Il. (bangunin
janda)
(Atun memanggil Ipeh)
Atun
Peh, lu dipanggil ama Bang Mail noh.
Ipeh
Ngapain? Ya udeh iye deh. Mana Bang Mail
yeh?
Mail
Ipeeeeeeeeeh abang
sudah punya uaaaaaaaaaaangggg. Abang menang lombaaaaaaaaaaaaaaaaa
pestisidaaaaaaaaa
Ipeh
Serius abang??? Ya
ampuuun Ipeh jadi terharuuuu
Mail
Nanem kembang biar
merekah, kalau Ipeh cinte abang ayo kita nikah
Ipeh
Ah abaaaaaanggg
Mail
Ibarat kata tuh Ipeh
kaya sinar matahari, abang ibarat pohonnye. Tanpa sinar cinta ipeh, abang gak
akan bisa memfotosintesis hati abang biar bener-bener mateng Peh.
Ipeh
Ih abang! Ipeh mau kok
nikah sama Abang. Babeh pasti setuju kalo udah begini mah Bang.
Babeh
(narik tangan Ipeh)
Ipeh!! Berapa kali babeh bilang jangan deket-deket ama dia! Babeh kagak seneng
ame dia, ayo pulang-pulang! Lu juga gidah pulang sono!
Ipeh
Aduuh duh beh ntar
dulu beh ntar dulu, si abang mail udah kaya beh dapet uang 2M dari lomba bikin
pestisida alami. Liat aje tuh bajunye udah bagus behh. Jadi babeh jangan
khawatir Ipeh kagak bisa makan kalo nikah ame Bang Mail.
Babeh
Yang bener Il?
Mail
Iye beh beneran beh.
Maesaroh dan Maemunah
Eeeeeeh. Hehe kite
juga udeh pade setuju kalo si Mail ame si Ipeh. Kagak ngerencokin lagi deh
kite. Asalkan ade komisinye yeh.
Mail
Iye nih ade. (ngasih taneman)
Maesaroh dan Maemunah
Lah kok taneman sih?
Males amat.
Mail
Yarin ape Mpok, sekali-kali gitu ngasih orang jangan
duit mulu. Taneman tuh penting bakal kelangsungan hidup bangsa kite terutama
Jakarte Mpok. Lagian tuh taneman
atu lembarnye 5 jute tuh Mpok.
Maesaroh dan Maemunah
Hah serius? Iye deh
kalau gitu kite terime komisinya heheh asik asik.
Atun
Il, makanan udah siap
noh! Iye beh, aye rasa emang seharusnya si Mail ame si Ipeh nikah. Udah saling
cinte banget kan.
Ipeh
Emang lu setuju gua
ama Bang Mail Tun?
Atun
Iye gue udah setuju
kok Peh. Gimana beh setuju gak?
Mail, Ipeh, Maesaroh dan Maemunah
Iya beh gimana beh
gimana?
Babeh
Emm (mikir) yaudah deh
babe setuju. Asal itu usaha lu kudu bener-bener maju ye Il. Tetep murah hati
biar kate lu orang kaya, tetep bersihin selokan tetangga juge yeeee
wakakakakakak. Atu lagi, babeh juga mao
komisinye.
Mail dan Ipeh
Alhamdulilah (sujud
syukur)
Atun, Maesaroh dan Maemunah
Alhamdulilaaaaah
(sujud syukur)
(nari-nari
diriingi musik)
-SELESAI-
1 komentar:
The Casino Hotel, Casino & Brewery | MapyRO
The Casino 나주 출장안마 Hotel, Casino & 수원 출장샵 Brewery is the perfect place to experience Las Vegas. With an authentic atmosphere and 용인 출장마사지 a selection of food 구리 출장안마 and beverage 속초 출장안마
Posting Komentar